Goizean goiz, eguraldia bezala, motel samar abiatu da Euskal Herriko haragien eta ekoizleen azoka. Orduek aurrera egin ahala, ordea, eguraldia hobetzearekin batera areagotu dira giroa eta jendearen joan-etorriak.

Lau egunez haragiaren plaza izaten ari da Tolosa. Goizean Trianguloa plazan, estreinakoz, Euskal Herriko haragien eta ekoizleen azoka egin dute. Inguruko ekoizleen postuak bisitatzeko eta haragiak dastatzeko aukera egon da. Zumardi txikian, berriz, foodtruck-ak eta zuzeneko musika izan da.